Privacidade
Que datos se tratan neste sitio, cales non, e cara a onde viaxan cando usas as aplicacións.
Quen é o responsable
- Responsable do tratamento: XanIAGPL
- Correo de contacto: xaniagpl@disroot.org
Escribindo a ese enderezo podes exercer os teus dereitos de acceso, rectificación, supresión, oposición, limitación e portabilidade. Se non estás conforme coa resposta, podes reclamar ante a Axencia Española de Protección de Datos.
O resumo curto
Este sitio web non usa cookies e non ten analítica. Por iso non verás un banner de consentimento: non hai nada que consentir.
En xaniagpl.dev tampouco se carga ningún recurso de terceiros. Hai unha
excepción, e está no subdominio do atlas: os mapas de atlasxda.xaniagpl.dev
descargan as súas teselas de dous servidores externos. Explícase máis abaixo.
O que si se rexistra
O servidor web anota cada petición nun rexistro de acceso que inclúe o teu enderezo IP, a data, a páxina solicitada e o navegador. Un enderezo IP é un dato persoal.
- Para que: seguridade e diagnóstico de fallos.
- Base legal: interese lexítimo (art. 6.1.f do RXPD).
- Canto tempo: 30 días como máximo. O servidor rota e elimina os rexistros automaticamente; non hai copia posterior deles.
- Con quen se comparte: con ninguén.
O atlas carga mapas de dous servidores externos
O subdominio atlasxda.xaniagpl.dev —o atlas sociodemográfico de Xunqueira de
Ambía— mostra mapas interactivos, e as imaxes do mapa base (as teselas) veñen de
fóra. Non se poden autohospedar: son centos de gigabytes que se actualizan
constantemente.
Iso significa que, ao abrir un mapa, o teu navegador conéctase directamente a eses dous servidores e eles ven o teu enderezo IP. Non llelo mando eu: pídellelo o teu navegador para debuxar o mapa. Pero habilítoo eu ao publicar o mapa, e por iso o declaro aquí.
| Quen | Que ve | Onde está |
|---|---|---|
| OpenStreetMap Foundation | IP, navegador e que teselas pediches | Rexistrada en Cambridge (Reino Unido); garda eses rexistros no Reino Unido e nos Países Baixos |
| Instituto Geográfico Nacional (IGN) | O mesmo | Organismo público español: dentro da UE |
- Para que: debuxar o mapa. Sen teselas non hai mapa.
- Base legal: interese lexítimo (art. 6.1.f do RXPD). Non se pode ofrecer un mapa sen elas, e non se usan para ningún outro fin.
- Que NON viaxa: nada do que fagas no mapa. As capas, as buscas e os datos de poboación están dentro do ficheiro que xa descargaches; non se consulta ningún servidor ao usalos.
- Transferencia internacional: só a de OpenStreetMap, ao Reino Unido. Está cuberta pola decisión de adecuación da Comisión Europea, reafirmada o 19 de decembro de 2025, así que non require garantías adicionais.
O sitio envía Referrer-Policy: no-referrer, así que eses servidores non saben en
que páxina estabas cando se pediu a tesela: só que alguén pediu unha.
As súas políticas: OpenStreetMap Foundation (abre nunha lapela nova) · IGN (abre nunha lapela nova).
Onde está aloxado
Nun servidor propio contratado a netcup GmbH (empresa alemá), cun centro de datos en Viena, Austria —dentro da Unión Europea—. Non hai transferencias internacionais de datos fóra da UE.
O provedor está certificado en ISO 9001, 14001, 27001 e 27701.
As aplicacións son outra cousa, e convén ler isto
Algunhas aplicacións deste dominio xeran texto mediante modelos de linguaxe aloxados por provedores externos. Nese caso, o que escribas nelas sáese desta infraestrutura e procésase fóra.
Afecta a: BitácorIA, Contos infantís, EnergyOracle e o Xemelgo Dixital Profesional. Cada unha indícao na súa ficha.
Non introduzas nesas aplicacións datos persoais, confidenciais nin de menores.
Non afecta a VixíaNormativa: ese proxecto executa os modelos na propia infraestrutura e os seus datos non saen dela nunca.
Os teus dereitos
Podes exercer os dereitos de acceso, rectificación, supresión, oposición, limitación e portabilidade escribindo a xaniagpl@disroot.org. Se non estás conforme coa resposta, podes reclamar ante a Axencia Española de Protección de Datos (aepd.es (abre nunha lapela nova)).